ក្រុមសមាជិកព្រឹទ្ធសភាប្រចាំភូមិភាគទី៦ នាំយកអំណោយសម្តេចប្រធានព្រឹទ្ធសភា ប្រគល់ជូនដល់មន្ទីរពេទ្យបង្អែកស្វាយអន្ទរ
នារសៀលថ្ងៃទី០៥ ខែមិថុនា ឆ្នាំ២០២៣ ក្រុមសមាជិកព្រឹទ្ធសភាប្រចាំភូមិភាគទី៦ ដឹកនាំដោយលោកជំទាវ មាន សំអាន ប្រធានក្រុម និងជាប្រធានគណៈកម្មការទី៨ព្រឺទ្ធសភា បានអញ្ជើញជួបសំណេះសំណាលជាមួយនឹងលោកគ្រូពេទ្យ អ្នកគ្រូពេទ្យ ព្រមទាំងនាំយកឱសថ ចំនួន២១កេស និងតេស្តរហ័សកូវីត-១៩ ១កេសធំ ដែលជាអំណោយដ៏ថ្លៃថ្លារបស់សម្តេចវិបុលសេនាភក្តីប្រធានព្រឹទ្ធសភា និងលោកជំទាវ ទៅប្រគល់ជូនដល់មន្ទីរពេទ្យបង្អែកស្វាយអន្ទរ ខេត្តព្រៃវែង សម្រាប់ប្រើប្រាស់ក្នុងយុទ្ធនាការការងារសង្គម និងការងារមនុស្សធម៌។
សូមជម្រាបថា អំណោយដ៏ថ្លៃថ្លារបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងលោកជំទាវ បានមកពីមូលនិធិចែករំលែកសង្រ្គោះជីវិតសាកលនៃសាធារណរដ្ឋកូរ៉េ។
ប្រភព៖ នាយកដ្ឋានព័ត៌មាន
